फागुन १९ देखि कपिलवस्तुमा नेपाल-भारत सीमानाका बन्द रहने

साझाकुरा,कपिलवस्तु । प्रतिनिधिसभा सदस्य निर्वाचनलाई शान्तिपूर्ण, व्यवस्थित, मर्यादित र निष्पक्ष वातावरणमा सम्पन्न गराउन भारतसँग जोडिएका कपिलवस्तु जिल्लाका सम्पूर्ण सीमा नाका केही दिनका लागि बन्द गरिने भएको छ।
जिल्ला प्रशासन कार्यालय कपिलवस्तु ले एक सूचना जारी गर्दै संवत् २०८२ साल फागुन १९ गते राति १२:०० बजेदेखि फागुन २२ गते (सन् २०२६ मार्च ५) बिहीबारसम्म जिल्लाका सबै सीमा नाका बन्द रहने जानकारी दिएको हो।
निर्वाचनका क्रममा अवाञ्छित गतिविधि नियन्त्रण, शान्ति सुरक्षाको प्रत्याभूति र स्वच्छ मतदान प्रक्रिया सुनिश्चित गर्न सीमा नाका बन्द गर्ने निर्णय गरिएको प्रशासनले जनाएको छ। सो अवधिमा अत्यावश्यक बाहेक सीमा आवत–जावत पूर्ण रूपमा रोक लगाइने सूचनामा उल्लेख छ।
प्रशासनले सीमा क्षेत्रका सर्वसाधारण, यात्री तथा सरोकारवाला निकायलाई सूचनाको पालना गर्न आग्रह गरेको छ।

85

प्रतिक्रिया

खबर सबै

बजेटमा कपिलवस्तु : उपस्थिति बढ्यो, कार्यान्वयनको परीक्षा बाँकी

लुम्बिनी प्रदेश सबै

बजेटमा लुम्बिनी प्रदेश : सडक र सिँचाइ क्षेत्रलाई प्राथमिकता

साझा अपडेट

MENU