रास्वपा भलवाडको प्रथम अधिवेशन,गुरुङको अध्यक्षतामा नयाँ कार्यसमिति चयन

रास्वपा बाणगंगा–९ भलवाडको प्रथम अधिवेशन, नमराज गुरुङको अध्यक्षतामा नयाँ कार्यसमिति चयन ।।

राष्ट्रिय स्वतन्त्र पार्टी (रास्वपा) कपिलवस्तु जिल्लाको बाणगंगा नगरपालिका वडा नं. ९ भलवाडको प्रथम अधिवेशन कार्यक्रम सम्पन्न भएको छ।
अधिवेशनले नमराज गुरुङको अध्यक्षतामा नयाँ वडा कार्यसमिति गठन गरेको छ। नवगठित कार्यसमितिको उपसभापतिमा योगेन्द्र पौडेल चयन भएका छन् भने सचिवमा पूर्णिमा थारू राना र सह–सचिवमा मित्रलाल पौडेल निर्वाचित भएका छन्।
यसैगरी, कार्यसमिति सदस्यहरूमा सादन केसी, सोनु बञ्जाडे, अन्नु परियार, सिता अधिकारी, मधु राना तथा शान्ती खड्का गुरुङ चयन भएका छन्।
अधिवेशनमा सहभागी वक्ताहरूले पार्टीलाई वडा तहबाटै सशक्त बनाउँदै सुशासन, पारदर्शिता र जनमुखी राजनीतिलाई संस्थागत गर्ने प्रतिबद्धता व्यक्त गरेका थिए। साथै, स्थानीय तहमा संगठन विस्तार र जनताको विश्वास जित्दै अघि बढ्ने निर्णयसमेत गरिएको जनाइएको छ।
नव निर्वाचित कार्यसमितिलाई अधिवेशनले सफल कार्यकालको शुभकामना समेत व्यक्त गरेको छ।