कपिलवस्तुका विभिन्न ३ पालिकामा चिसोका कारण दिइयाे जाडो बिदा

कपिलवस्तुका विभिन्न पालिकामा चिसोका कारण विद्यालयमा जाडो बिदा
कपिलवस्तु। कपिलवस्तु जिल्लाका विभिन्न स्थानीय तहले बढ्दो चिसो र शीतलहरका कारण विद्यालयमा पठनपाठनमा समस्या देखिएपछि जाडो बिदा दिने निर्णय गरेका छन्। अत्यधिक चिसोका कारण विद्यार्थीहरूको स्वास्थ्यमा प्रतिकूल असर पर्न सक्ने देखिएकाले सामुदायिक तथा धार्मिक विद्यालयहरूमा अस्थायी रूपमा बिदा दिइएको हो।
मायादेवी गाउँपालिकाले पालिकाभित्र सञ्चालित सम्पूर्ण सामुदायिक तथा धार्मिक विद्यालयहरूमा वार्षिक बिदासँग मिलान हुने गरी जाडो बिदा दिने निर्णय गरेको छ। पालिकाका अनुसार मिति २०८२/०९/०८ देखि २०८२/०९/१४ गतेसम्म जाडो बिदा लागू हुनेछ।
त्यसैगरी कपिलवस्तु नगरपालिकाले पनि चिसो र शीतलहरका कारण विद्यालयमा नियमित पठनपाठन सञ्चालन गर्न कठिनाइ भएको जनाउँदै मिति २०८२/०९/११ गते जाडो बिदा दिएको जानकारी गराएको छ। नगरपालिकाले यससम्बन्धी सूचना आफ्ना सबै विद्यालयमा लागू हुने जनाएको छ।
यस्तै, शुद्धोधन गाउँपालिकाले पनि बढ्दो चिसोका कारण विद्यार्थीहरूको स्वास्थ्यमा असर पर्ने अवस्था देखिएको उल्लेख गर्दै पालिकाभित्रका सम्पूर्ण शैक्षिक संस्थाहरूमा मिति २०८२/०९/११ देखि २०८२/०९/१५ गतेसम्म जाडो बिदा दिएको जनाएको छ।
स्थानीय तहहरूले अभिभावक र विद्यालय प्रशासनलाई आवश्यक सतर्कता अपनाउन आग्रह गर्दै मौसम अनुकूल भएपछि पुनः नियमित पठनपाठन सञ्चालन गरिने जानकारी दिएका छन्।

114

प्रतिक्रिया

खबर सबै

विश्वकप लिग-२ : नेपाल र यूएई भिड्दै

लुम्बिनी प्रदेश सबै

आज २५७०औँ बुद्ध जयन्ती, बुद्ध जन्मस्थल लुम्बिनीमा विशेष पूजा

साझा अपडेट

MENU