लुम्बिनीमा रास्वपाले गर्‍यो समानुपातिक सांसदका उम्मेदवारसँग छलफल

दाङ | लुम्बिनी प्रदेशमा राष्ट्रिय स्वतन्त्र पार्टी (रास्वपा) ले समानुपातिक सांसद छनोटका लागि छलफल सुरु गरेको छ । दाङको लमहीमा आज रास्वपाका संस्थापक सदस्य तथा सचिवालय सदस्य गणेश पराजुलीको नेतृत्वमा सांसद पदमा उम्मेदवारका लागि निवेदन दिएकाहरूसँग छलफल गरिएको हो ।

छलफलमा प्रदेश सभापति देवराज पाठकसहित पार्टीका अन्य प्रदेशस्तरीय नेताहरूको सहभागिता रहेको छ । लुम्बिनी प्रदेशमा सो पार्टीबाट समानुपातिक सांसदको उम्मेदवारका लागि ४५ जनाले निवेदन दिएका छन् ।

‘जान्नेलाई छान्ने विधि’ अन्तर्गत समानुपातिक सांसदका उम्मेदवारसँग छलफल गरी भूगोलका आधारमा उम्मेदवार सिफारिस गरिने पराजुलीले जानकारी दिए ।