पाल्पामा फोर्स मिनीबस दुर्घटना: तीनको मृत्यु, आठ जना घाइते

पाल्पा | पाल्पामा शुक्रबार बिहान फोर्स मिनीबस दुर्घटना हुँदा तीन जनाको मृत्यु भएको छ । अरुणखोलाबाट रामपुरतर्फ आइरहेको लु १ ज ३९०८ नम्बरको फोर्स गाडी निस्दी गाउँपालिका–४ चिउरीबासका दुर्घटना भएको हो ।

दुर्घटनामा तीन जनाको मृत्यु हुनुका साथै ८ जना घाइते भएको प्रहरीले जनाएको छ । घाइतेमध्ये १ जनाको अवस्था गम्भीर रहेको जिल्ला प्रहरी कार्यालय पाल्पाका सूचना अधिकारी प्रहरी निरीक्षक कुशल सिंह ठकुरीले जानकारी दिए ।

गाडी घुम्तीनजिकै सडकबाट झन्डै ५०० मिटर तल खोल्सामा खसेको थियो । मृतकको पहिचान खुल्न सकेको छैन । घाइतेको उद्धार भइरहेको ठकुरीले जानकारी दिए ।