राष्ट्रिय लोक तथा दोहोरीगीत प्रतिष्ठान कपिलवस्तुको अध्यक्षमा ‘असिम क्षेत्री’ निर्वाचित

कपिलवस्तु । राष्ट्रिय लोक तथा दोहोरीगीत प्रतिष्ठान नेपाल, जिल्ला कार्यसमिति कपिलवस्तुको १५औं वार्षिक साधारण सभा तथा ७औं अधिवेशनबाट आगामी नेतृत्वका लागि असिम कडेल क्षेत्री निर्वाचित भएका छन् । शनिबार बाणगंगाको ठाकुरापुरमा सम्पन्न अधिवेशन कार्यक्रमबाट अध्यक्षमा क्षेत्री सर्वसम्मत निर्वाचित भएका हुन ।

सम्पन्न अधिवेशनबाट असिम कडेल क्षेत्रीको नेतृत्व रहने गरी प्रथम उपाध्यक्षमा विनोद रञ्जन, द्धितीय उपाध्यक्षमा सुमन पौडल, महिला उपाध्यक्षमा वर्षा लम्साल, सचिवमा भक्तिराम घिमिरे चयन भएका छन । यस्तै समितिको कोषाध्यक्षमा कृष्ण पाण्डे, सह सचिवमा विनोद खनाल र सह कोषाध्यक्षमा देवा चौधरी सहित अन्य सदस्यामा चयन भएका हुन ।

कार्यक्रममा जिल्ला अध्यक्ष शारदा खनालको अध्यक्षतासहित प्रतिष्ठानका केन्द्रिय सचिव दिपक गरौजाको प्र्रमुख आतिथ्यता रहेको थियो । यस्तै बाणगंगा नगरपालिकाका उप प्रमुख रिता चौधरीको विशिष्ठ आतिथ्यता रहेको कार्यक्रममा विभिन्न संघ संस्थाका प्रमुख तथा प्रतिनिधि र स्थानीय कलाकारहरुको आतिथ्यता रहेको थियो ।

राष्ट्रिय लोक तथा दोहोरीगीत प्रतिष्ठान नेपालका सबै ७७ वटै जिल्लामा शनिबार नै एकैसाथ अधिवेशन सञ्चालन भएको जनाइएको छ ।
कार्यक्रममा विभिन्न कला र संकृति झल्किने सांस्कृतिक प्रस्तुतीहरु समेत प्रर्दशन गरिएको थियो ।