कपिलवस्तु कारागारबाट फरार ४३० मध्ये अझै १६७ जना कैदी फर्किएनन

कपिलवस्तु । गत भदौ २५ गते राति कपिलवस्तुस्थित कारागार कार्यालय तौलिहवाबाट फरार भएका कैदी अझै सबै कारागार फर्किएका छैनन ।
कारागारबाट फरार भएका ४३० जना मध्ये २६३ जना पक्राउ परिसकेको तथा अझै १६७ जना सम्पर्कमा नआएको कपिलवस्तुका प्रमुख जिल्ला अधिकारी दिलकुमारले बताए । फरार कैदीबन्दीलाई असोज २० गतेभित्र फर्कन पनि उनले आग्रह समेत गरेका छन् ।

फरार कैदीहरु मध्ये संम्पर्कमा अनाएकाहरुलाई प्रहरीले नियन्त्रणमा लिइ कारागार चलान गरिरहेको कपिलवस्तु कारागार प्रशासनले जानकारी दिएको छ ।

कारागार प्रशासनका अनुसार भाग्ने क्रममा सुरक्षामा चुनौती उत्पन्न भए पनि निरन्तर खोजी कार्य जारी राख्दा उनीहरुलाई फेला पार्न सफल भएको हो । तर अझै केही कैदी फिर्ता अनाएको जनाइएको छ ।