बालेनको आह्वान– राजीनामा आइसक्यो, संयमित रहनू

काठमाडौं महानगरपालिकाका मेयर बालेन्द्र शाह (बालेन)ले ‘जेनजी’लाई संयमित हुन आग्रह गरेका छन् । मंगलबार सामाजक सञ्जालमा स्टाटस राख्दै संयमित हुन आग्रह गरेका हुन् । 

“हामीले स्पष्ट रूपमा भनेका थियौँ । यो नितान्त जेनजीको आन्दोलन हो । प्रिय जेनजी, तपाईंहरूको हत्याराको राजीनामा आइसकेको छ । अब संयमित हुनुहोला,” बालेनले मंगलबार दिउँसो  लेखेका छन् ।

उनले जेनजी पुस्तालाई देशको नेतृत्व गर्नका निम्ति तयार रहन आग्रह गरेका छन् । “देशको जनधनको क्षति भनेको तपाईं हाम्रै सम्पत्तिको क्षति हो । तपाईं–हामी अब संयमित हुनु जरुरी छ । अब तपाईंको पुस्ताले नै देशको नेतृत्व गर्नु पर्नेछ । तयार रहनुहोला,” उनले भने ।  

सेना प्रमुखसँग वार्ता गर्न तयार रहन आग्रह गरेका छन् । उनले भने, “सेना प्रमुखसँग वार्ता गर्न पनि तयार हुनुहोला । तर, याद रहोस्– वार्ता गर्नुअघि संसद् विघटन भएको हुनुपर्छ ।”