पेट्रोलियम पदार्थको मूल्य बढ्यो, डिजेल र मट्टितेलको घट्यो

काठमाडौं । नेपाल आयल निगमले पेट्रोलको मूल्य बढाएर डिजेल/मट्टितेलको मूल्य घटाएको छ। इन्डियन आयल कर्पोरेशनबाट प्राप्त नयाँ मूल्य सूचीअनुसार निगमले पेट्रोलियम पदार्थको खुद्रा मूल्य समायोजन गरेको जनाएको छ।

निगमका अनुसार पेट्रोलको मूल्य प्रतिलिटर २ रुपैयाँ वृद्धि गरिएको छ भने डिजेल/मट्टितेलको मूल्य प्रतिलिटर १ रुपैयाँ घटाइएको छ।

समायोजित नयाँ मूल्य आज राति १२ बजेदेखि लागू हुनेछ। निगमले पेट्रोलियम पदार्थको खुद्रा बिक्री क्षेत्रगत रूपमा छुट्टाएर वितरण गर्दै आएको जनाएको छ।