कोठी नदी नजिकै मोटरसाइकल दुर्घटना, एकको मृत्यु

सैनामैना नगरपालिका–१० फारलाइन, कोठी नदी नजिक दुई मोटरसाइकल आपसमा ठोक्किँदा एक जनाको मृत्यु भएको छ भने दुई जना गम्भीर घाइते भएका छन्।

पश्चिमबाट पूर्वतर्फ जाँदै गरेको लु ०१ ००३ प २०४२ नम्बरको मोटरसाइकलका चालक सैनामैना–११ का हरिनारायण थारुको घटनास्थलमै मृत्यु भएको इलाका प्रहरी कार्यालय सालझण्डीले जनाएको छ।

पूर्वबाट पश्चिमतर्फ आउँदै गरेको लु ९४ प ९७८९ नम्बरको मोटरसाइकलमा सवार दुई जना गम्भीर घाइते भएका छन्। घाइतेहरुलाई उपचारका लागि बुटवल पठाइएको प्रहरी निरीक्षक खगेन्द्र अधिकारीले जानकारी दिए।

घाईते हुनेमा कपिलवस्तु नगरपालिका ३ निवासी वर्ष २४ का सफल गैरे र बाणगंगा ४ निवासी वर्ष २० कि सुप्रिया शाही रहेका छन् सुप्रिया को अवस्था चिन्ताजनक रहेको छ ।