कपिलवस्तुमा रोपाइँमा जाँदै गर्दा टेक्टर दुर्घटना – २ जनाको मृत्यु, ४ घाइते

कपिलवस्तु जिल्लाको कपिलवस्तु नगरपालिका–८ दोहोनीमा रोपाइँका लागि गइरहेको टेक्टर दुर्घटना हुँदा २ जनाको मृत्यु भएको छ भने अन्य ४ जना घाइते भएका छन्।

स्थानिय २० वर्षीया दुर्गावती कोरी र ४५ वर्षीया दुर्गावती कुमारी कोरीको घटनास्थलमै ज्यान गएको वडा नम्बर ८ का वडाध्यक्ष शिवकुमार पाण्डेयले जानकारी दिए। उनका अनुसार रोपाइँ गर्न खेततर्फ जाँदै गरेको टेक्टर नयाँ बनेको माटोको बाटोमा चिप्लिएर सTraकका छेउमा रहेको पोखरीमा खसेको थियो।

दुर्घटनाका बेला टेक्टरमा ६ जना सवार थिए। घाइते भएका अन्य ४ जनाको कपिलवस्तु जिल्ला अस्पताल, तौलीहवामा उपचार भइरहेको जिल्ला प्रहरी कार्यालय, कपिलवस्तुले जनाएको छ। घटनाको थप अनुसन्धान भइरहेको प्रहरीले जनाएको छ।