रूपन्देहीमा करेन्ट लागेर युवकको मृत्यु

रूपन्देही : रूपन्देहीमा करेन्ट लागेर युवकको मृत्यु भएको छ।

बुटवल उपमहानगरपालिका-११ न्यू दुर्गा नगरका ३० वर्षीय दीपक सुनारको करेन्ट लागेर बिहीबार दिउँसो मृत्यु भएको हो।

सोही ठाउँस्थित कुलोमा विद्युतीय मोटर लगाई पानी तान्ने क्रममा करेन्ट लागेर गम्भीर घाइते भएका उनको लुम्बिनी प्रादेशिक अस्पतालमा उपचारको क्रममा मृत्यु भएको हो।

यस सम्बन्धमा प्रहरीले आवश्यक अनुसन्धान गरिरहेको छ।