भुपु सैनिक स्कुलमा असोज ४ र ५ गते वृहत नवौं ‘एस.क्यु.सी.’ सम्मेलन हुंदै
कपिलवस्तु, क्वेस्ट नेपाल लुम्बिनी हबको आयोजनामा कपिलवस्तुमा एस.क्यु.सी. (विद्यार्थी गुणीय चक्र) अन्तर्गतको नवौं सम्मेलन हुने भएको छ । कपिलवस्तुको बाणगंगा नगरपालिका वडा नं. ८ बाणगंगा स्थित भुपु सैनिक ईगंलीश बोर्डिङ्ग स्कुलमा यहि असोज ४ र ५ गते विद्यार्थीहरुको शैक्षिक महोत्सवको रुपमा रहेको एस.क्यु.सी. (विधार्थी गुणीय चक्र) नवौंं सम्मेलन हुने भएको हो । सम्मेलनको बारेमा पत्रकार सम्मेलन मार्फत जानकारी गराईएको छ ।
कपिलवस्तुका १३ र अन्य जिल्लाका १० गरि २३ विधालयका विधार्थीहरु समावेश हुने उक्त प्रतियोगितामा करिव ६ सय ५० बढी विद्यार्थीहरुले भाग लिने जनाईएको छ । १३ विद्यालय क्वेस्ट नेपालका सदस्य मध्येबाट उपस्थित हुने र अर्घाखाँची, दाङ, रुपन्देही, स्याङ्जाका अन्य १० विद्यालयका विद्यार्थीहरु पर्यवेक्षकको रुपमा सहभागी हुने क्वेस्ट नेपाल लुम्बिनी हवका अध्यक्ष मिलन भण्डारीले जानकारी दिनुभएको छ ।
कार्यक्रमको उद्घाटन लुम्बिनी प्रदेशका मुख्यमन्त्री चेतनारायणको प्रमुख आतिथ्यतामा हुने र उद्घाटन कार्यक्रममा प्रदेश सांसद, नगरपालिकाका जनप्रतिनिधि, क्वेस्ट नेपालका केन्द्रिय अध्यक्ष सहित पदाधिकारीहरुको उपस्तिी रहने पत्रकार सम्मेलन मार्फत जानकारी गराईएको छ ।
कार्यक्रममा लुम्बिनी हवका कोर्डिनेटर तथा पत्रकार सम्मेलनका अध्यक्ष मिलन भण्डारीले एस.क्यु.सी.अन्र्तगत विद्यार्थीहरुको स–साना समुह बनाई जस्ले विद्यार्थीका समस्या छनौट गरि समस्याका कारण, मुल जरा, पत्ता लगाई समुहमा मिलेर समस्या समाधानका उपाएहरु पहिल्याउने र आफै एवं अरुको सहयोगमा ति समस्या समाधान गर्न सक्ने क्षमता अभिवृद्धि गर्ने बताउनु भयो । उक्त कार्यक्रममा वृहत सांस्कृतिक कार्यक्रम, क्विज, हिज्जे, व्यक्तित्व संगै उद्घोष तालिम तथा ए.आई. सम्बन्धि प्रशिक्षण दिनुका साथै अन्य विभिन्न विधामा प्रतियोगिता गराईने समेत जानकारी गराईएको छ ।
विगतमा १ दिने गरिए पनि ८ औं कन्भेन्सनबाट २ दिने वृहत सम्मेलन गर्न लागिएको छ भने सम्पुर्ण विधाहरु समापन गर्ने जिम्मेवारी पनि विद्यार्थीहरुलाई दिईएको जस्ले विद्यार्थीहरुको क्षमता विकास हुने क्वेस्ट नेपाल लुम्बिनी हवका सहसंयोजक तथा भुपु सैनिक ईगंलीश बोर्डिङ्ग स्कुलका प्रिन्सिपल डम्बर बहादुर सोमैले बताउनुभयो ।
कार्यक्रममा अतिथि प्याब्सन बाणगंगाका अध्यक्ष सुरेन्द्र पाण्डेले अहिलेको कार्यक्रममा सम्पुर्ण क्रियाकलापको जिम्मेवारी विद्यार्थीहरुलाई दिईने प्रभावकारी हुने अपेक्षा व्यक्त गर्नुभयो । उहाँले विद्यार्थीहरुको शारिरीक, मानसिक, संवेगात्मक समग्र सबै पक्षको विकास हुने भएकाले कार्यक्रमको सफलताको शुभकामना दिनुभयो ।
कार्यक्रमका अतिथि भुपु सैनिक ईगंलीश बोर्डिङ्ग स्कुलका अध्यक्ष राजेन्द्र बिक्रम शाहले विद्यार्थीहरुलाई श्रजनशिल बनाउन यस कार्यक्रमले महत्वपुर्ण टेवा पु¥याउने र अन्र्तराष्ट्रिय स्तरका विधार्थीहरुसँग प्रतिस्पर्धामा भाग लिन पाउने हुदाँ कपिलवस्तुमा यो कार्यक्रम आयोजना गरिएको बताउनुभयो ।
नवौं कन्भेन्सन सफल बनाउनका लागि संयोजक भण्डारीको संयोजकत्व र सोमैको सह संयोजकत्वमा मा १९ सदस्यीय मुल समिति बनाईएको छ ।
पत्रकार सम्मेलनमा बुद्ध शान्ती बोर्डिङ्ग स्कुलका प्रिन्सिपल नारायण पौडेल, युनाईटेड स्टुडेन्ट एकेडेमीका शिक्षक विश्वास घिमिरे लगायत जिल्लाका सक्रिय पत्रकारहरुको उपस्थिती रहेको थियो ।
नवौंं लुम्बिनी हव सम्मेलनका सह संयोजक डम्बर बहादुर सोमैको स्वागत तथा क्वेस्ट नेपाल लुम्बिनी हबका सचिव मदन मल्लको सञ्चालनमा पत्रकार सम्मेलन सम्पन्न भएको हो । कार्यक्रममा जानकारी गराए अनुसार समस्या समाधानको एक चक्र पूरा गरी सके पछि फेरी अर्को समस्या र अर्को चक्र आरम्भ हुन्छ ।
लुम्बिनी प्रदेश सबै
साझा अपडेट
-
बालबालिकालाई दिइने गृहकार्य – एक विमर्श
-
लुम्बिनीलाई ‘बर्थिङ हब’का रूपमा विकास गरिने
-
एनपीएलमा काठमाडौं भर्सेस चितवन : अनुभवी करण र युवा ब्याटर कुशलबीच भीडन्त
-
लुम्बिनीका ४ स्थानको नतिजा राति नै आउने, पुथा उत्तरगंगामा भोलि मात्रै मतगणना
-
उपनिर्वाचन : कपिलवस्तुको शुद्धोधन- १ मा ६९.३९ प्रतिशत मतदान
-
सुरु भयो एनपिएलको ‘महाकुम्भ’
-
एनपिएल : विदेशी खेलाडी र प्रशिक्षकको नेपाल आगमन [ भिडियो सामग्री ]
प्रतिक्रिया