शुक्रबार बाणगंगा नगरपालिकाले दियो विदा

कपिलवस्तु | नागपञ्चमी पर्वको अवसरमा कपिलवस्तुको बाणगंगा नगरपालिकाले सार्वजनिक विदा दिने निर्णय गरेको छ। यो पर्वलाई शुक्रबार, ८ भदौमा देशभर मनाइने छ।

बाणगंगा नगरपालिकाको बिहीबारको नगर कार्यपालिकाको बैठकले नागपञ्चमीको अवसरमा विदा दिने निर्णय गरेको नगरपालिकाका प्रवक्ता विष्णु पौडेलले जानकारी दिए।

बैठकमा आर्थिक वर्ष ०८१/८२ को नीति कार्यक्रम र बजेट कार्यान्वयन कार्ययोजना समेत पारित गरिएको छ। साथै, नगरको वार्षिक दर रेट पनि अनुमोदन गरिएको प्रवक्ता पौडेलले थपे।

यस निर्णयले नगरवासीलाई नागपञ्चमीको पर्वलाई अझ बढी धूमधामका साथ मनाउन अवसर प्रदान गर्नेछ।