सौर्य विमान दुर्घटना : १८ जनाको मृत्यु

काठमाडौं :  त्रिभुवन अन्तर्राष्ट्रिय विमानस्थलमा सौर्य एयरलाइन्सको विमान दुर्घटनामा २२ जनाको मृत्यु भएको  छ। क्यानका प्रवक्ता  हंशराज पाण्डेले जहाज दुर्घटनामा १८ जनाको शव भेटिएको र पाइलट मनिष शाक्यलाई उपचारका लागि अस्पताल पठाइएको जानकारी दिए।

उनले भने,’ १८ जनाको बडी संकलन गरिएको छ। यात्रु वा कर्मचारी को हुन् एकिन भएको छैन। पाइलटलाई उद्दार गरेर उपचारका लागि अस्पताल पठाइएको छ।’

नेपाल नागरिक उड्डयन प्राधिकरण (क्यान)ले उक्त दुर्घटनामा परी १८ जनाको शव निकालिएको पुष्टि गरेको छ। क्यानले जारी गरेको विज्ञप्तिमा भनिएको छ, ‘बुधबारका दिन सौर्य एयरलाइन्स जहाज काठमाडौंबाट स्थानीय समय अनुसार बिहान ११:११ मा पोखरा उडानको क्रममा उड्नेबित्तिकै दाहिनेतिर मोडिन गई रनवेको पूर्वतिर रहेको स्थानमा दुर्घटनाग्रस्त हुन पुगेकोमा तत्कालै उद्धार कार्य शुरु गरी आगो नियन्त्रणमा लिई १८ जनाको शव संकलन गरिएको तथा १ जना घाइतेलाई उद्धार गरि अस्पताल पुऱ्याइको जानकारी गराइन्छ।’ 

बुधबार बिहान काठमाडौंबाट पोखरा उड्ने क्रममा जहाज दुर्घटनामा परेको थियो। 

नाेट: भुल सुधार गरिएकाे

साझाकुरा ।