कोइलीचौर सामुदायिक वनको लगानीमा सडक स्तरोन्नती


कपिलवस्तु । कपिलवस्तुको बाणगंगा नगरपालिका वडा नम्बर ९ भलवाड भर्तापुरमा सामुदायिक वनले करिब दुई किलोमिटर सडक स्तरोन्नती गरेको छ । भलवाड स्थित कोइलीचौर साना किसान सामुदायिक वनले भर्तापुर–भर्लाबास भित्री सडक स्तरोन्नती गरेको हो ।

सामुदायिक वनका अध्यक्ष कुन्तामणी भुसालका अनुसार भर्तापुर देखि भर्लाबास सम्मको करिब १८ सय मिटर सडक ग्राभेल गरी आगामाी वर्ष कालोपत्रे समेत गर्ने योजनाका साथ हाल स्तरोन्नती गरिएको बताएका छन् । सामुदायिक वनको वार्षिक योजना अन्र्तगत विनियोजित बजेटबाट हाल सडक मर्मत, सिचाईँका लागि ह्युम पाइप जडान र ग्राभेल सडकलाई रोलिङ् गरी चिटिक्क पारिएको छ । यस अघि साँघुरो र अफ्ठेयारो सडकलाई सामुदायिक वनले लगानी गरी सहज बनाएको हो ।

वनका अध्यक्ष भुसालका अनुसार वनको कोषमा हाल बजेट अभाव भएका कारण ग्राभेल गरी स्तरोन्नती मात्र गरिएको र आगामी वर्षको बजेटमा यो सडकलाई कालोपत्रे गर्ने योजना बनाइएको बताए ।

कोइलीचौर सामुदायिक वनले अहिले खोल्साखोल्सी व्यवस्थापन अन्र्तगत पोखरी निर्माण, पर्यटन प्रर्वद्धनका लागि सुन्दरीकरणको योजनाका साथ काम गरेको छ भने नदी कटान रोक्न डिभिजन वन कार्यालय र प्रदेश वन मन्त्रालयसँगको सहकार्यमा खोल्साखोल्सी व्यवस्थापनको काम पनि गरिरहेको छ ।

प्रतिक्रिया