राष्ट्रियसभा अध्यक्षको निर्वाचन कार्यतालिका सार्वजनिक

सङ्घीय संसद् सचिवालयले राष्ट्रियसभा अध्यक्षको निर्वाचन कार्यतालिका सार्वजनिक गरेको छ ।

आइतबार सार्वजनिक गरिएको निर्वाचन कार्यतालिकाअनुसार फागुन २८ गते अर्थात् भोलि बिहान ११ बजेदेखि दिउँसो १ बजेसम्म कुनै पनि राष्ट्रियसभा सदस्यलाई अध्यक्षमा निर्वाचित गरियोस् भन्ने प्रस्तावको सूचना दिन सकिनेछ ।

यस्तै दिउँसो साढे १ बजे दर्ता भएका प्रस्तावको सूचनाको दर्ता क्रमअनुसार सूची प्रकाशन गर्ने कार्यक्रम रहेछ ।