सुरु भयो १४ औँ कपिलवस्तु महोत्सव, भण्डारीले गरे उद्घाटन

कपिलवस्तु :
१४ औं कपिलवस्तु महोत्सव आज सुरु भएको छ । आज विहिबार प्रतिनिधि सभा सदस्य तथा नेपाली कांग्रेसका नेता चन्द्र भण्डारीले उद्घाटन गरेसंगै महोत्सव आजदेखि सुरु भएको हो ।

महोत्सव उद्घाटन गर्दै नेता भण्डारीले स्थानीय उत्पादन प्रवर्धन मेलाले महत्वपुर्ण भूमिका निर्वाह गर्ने विश्वास व्यक्त गरे । युवाहरुको उर्जालाई राष्ट्रले उचित सदुपयोग गर्न नसकेको उनको भनाई छ । उनले हरेक दिन हजारौं युवा विदेशिदाँ गाउँ नै रित्तो हुन लागेकोमा चिन्ता व्यक्त गरे । युवालाई राज्यमै काम गर्ने वातावरण सिर्जन ागर्न वर्तमान सरकार लाग्नुपर्ने बताए ।

वर्तमान संविधान कार्यान्वयनमा नेतृत्व चुकेको उनको भनाई छ । उनले १० जना नेताकै लागी देशलाई लुट्न नपाईने बताए । हरेक नेताका लागी देश पहिलो प्राथमिकतामा हुनुपर्ने बताए । ‘पार्टीको नाममा गुटको नाममा लुट्न पाईन्छ हाम्रो लागी देश पहिलो प्राथमिकतामा हुनुपर्छ ।

त्यसपछि हाम्रो प्रजातन्त्र दोस्रो हो, तेस्रोमा हामीलाई बोक्ने पार्टी हो तब पो देश बन्छ’ उनले भने । बैंक तथा वित्तीय संस्थाले ८ प्रतिशत ब्याजदरबाट बढाएर १६ प्रतिशत ब्याजदर बनाएकोमा उनले असन्तुष्टि व्यक्त गरे । उनले नेपालका हरेक पार्टीले नेतृत्व परिवर्तन गर्नुपर्ने बताए ।

चार नम्बरको बुद्ध रंगशालामा वाणगंगा वेयलफेयर सोसाइटीले आयोजना गरेको महोत्सव पुस १ गते समापन हुनेछ ।