कपिलवस्तुका अभयको जोडिले जिते दक्षिण एशियाली ब्याडमिन्टनमा रजत

कपिलवस्तु । कपिलवस्तुका ब्याडमिन्टन खेलाडी अभय महराको जोडीले दक्षिण एशिया क्षेत्रिय जुनियर च्याम्पियन यु–१७ ब्याडमिन्टन पुरुष डबल्समा रजत पदक जितेको छ । सशस्त्र प्रहरी बलको हलचोक स्थित कबर्डहलमा मंगलबार सम्पन्न फाईनल खेलमा नेपालका खेलाडी अभय महरा र कविर केसीको जोडीले रजत पदक प्राप्त गरेका हुन ।

ब्याडमिन्टन एशियाको आयोजना र नेपाल ब्याडमिन्टन संघको व्यवस्थापनमा सम्पन्न ५ दिवसीय प्रतियोगितामा नेपाल सहित दक्षिण एशियाका ६ देशका खेलाडीबीच प्रतिष्पर्धा भएको थियो । फाईनल खेलमा अभय र कविरको जोडीलाई बङ्गलादेशका खेलाडीहरु रजोन मिया र एसएसएम सिफातुल्लाहको जोडीले २१–११ र २१–११ को सोझो सेटमा हराउँदा उनीहरु उपबिजेता बनेका हुन् । यसअघि सेमिफाइनलमा अभय र कविरको जोडीले माल्दिभ्सका अजहर मोहम्मद अयुव र युसुफ मुनाधि माथलुबलाईको डबल्स जोडीलाई २१–९ र २१–७ को सोझो सेटमा हराउँदै फाईनल प्रवेश गरेका थिए ।

प्रतियोगिताका बिजेतालाई ब्याडमिन्टन एशियाका डेभलपमेन्ट चेयर वाजिद अलि चौधरी,सशस्त्र प्रहरी अतिरिक्त महानिरीक्षक चन्द्रप्रकाश गौतम र ब्याडमिन्टन संघका कार्यवाहक अध्यक्ष रामजी बहादुर श्रेष्ठले पुरस्कृत गरेका थिए ।

141

प्रतिक्रिया

खबर सबै

भर्तापुरमा रास्वपाको पहिलो टोल भेला सम्पन्न, ११ सदस्यीय टोल समिति गठन

लुम्बिनी प्रदेश सबै

लुम्बिनीमा सवारी दुर्घटनाको मुख्य कारण तीव्र गति, साउनमा ३५ जनाको मृत्यु

साझा अपडेट

MENU