सर्पले डसेर दाङमा एक बालकको मृत्यु

दाङ । दाङमा सर्पले डस्दा एक बालकको मृत्यु ज्यान गएको छ । सल्यानको बागचौर नगरपालिका–४ पेदीखोला बस्ने १६ वर्षीय मनोज वलीको दाङको शान्तिनगर गाउँपालिका–७ स्थित मामा घरमा आएको बेला सर्पले डसेर मृत्यु भएको हो ।

घरमा सुतिरहेको बेला बिहान सर्पले डसेपछि बिरामी परेका वलीको राप्ती प्रादेशिक अस्पताल तुलसीपुरमा प्रारम्भिक उपचार गरिएको थियो ।

त्यसपछि थप उपचारका लागि राप्ती स्वास्थ्य विज्ञान प्रतिष्ठान घोराहीमा लगिएकोमा अस्पतालमै उनको मृत्यु भएको ईलाका प्रहरी कार्यालय तुलसीपुरले जानकारी दिएको छ ।