अर्घाखाँचीमा ट्रक र टिपरलाई अब ’टाइम कार्ड’ लागु हुने

कपिलवस्तु । अर्घाखाँचीको नरपानी देखि कपिलवस्तुको पथ्थरकोट सम्मको मुख्य सडक खण्डमा संचालन हुने टिपर र ट्रकलाई साउन १ गते देखि लागु हुने गरी टाइमकार्ड लागु गरिने भएको छ ।

सोमबार जिल्ला प्रशासन कार्यालयमा प्रमुख जिल्ला अधिकारी कमलराज ढकालको अध्यक्षतामा बसेको बैठकले भारवाहन ट्रक तथा टिपरको हकमा नरपानी–ठाडा पथ्थरकोट रुटमा एकतर्फी रुपमा न्युनतम ४ घण्टा र अधिकतम गति प्रतिघण्टा २० कि.मी समय निर्धारण गरेको छ । प्रमूख जिल्ला अधिकारी ढकालका अनुसार सडक दुर्घटना पनि न्युनिकरण गर्न सकिने र भारवाहन साधनको गति नियन्त्रण पनि हुने भएकाले टाइमकार्ड लागु गर्न लागिएको बताउनुभयो ।

गोरुसिँगे– सन्धिखर्क सडक खण्डको नरपानीदेखि पत्थरकोटसम्मको दुरी ३८ किलोमिटर रहेको छ । अब यो दुरीमा संचालन हुने भारवाहन तथा खाली ट्रक र टिपरका लागि साउन १ गतेदेखि टाइम कार्ड लागू हुने छ । तीव्र गतिमा ट्रक र टिपर गुड्ने हुँदा सवारी असुरक्षा हुने भन्दै दुर्घटना न्युनिकरण गर्न टाइम कार्ड लागू गर्न लागिएको प्रमूख जिल्ला अधिकारी ढकालले बताउनुभयो । खासगरी नरपानीबाट चुन ढुङ्गा बोक्ने टिपर र ट्रकको ओभर स्पिडले दुर्घटना जोखिम बढाएका कारण यो व्यवस्था गरिएको जनाइएको छ ।

ट्रक र टिपर खाली भए यो दुरी 0२ः३० मिनेटमा पार गर्न पाउने छन् । भारवाहन भएमा ४ घण्टामा मात्रै एकतर्फी संचालनको अनुमिति दिइएको छ । यस्तै ट्रक तथा टिपरले अधिकतम १० टनभन्दा बढी भार बोक्न नपाइने पनि जनाइएको छ ।

टाइम कार्ड पालना नगर्ने ट्रक तथा टिपरलाई कारबाही गर्ने जिल्ला प्रहरी कार्यालय अर्घाखाँचीका प्रहरी नायव उपरीक्षक मुकुन्द रिजालले बताउनुभएको छ ।

83

प्रतिक्रिया

खबर सबै

रसुवामा आएको बाढीपछि दाङका १० जना सम्पर्कविहीन

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU