शितगंगा १३ सिमलपानीमा जंगली च्याउ खाएका ५ जना बिरामी

कपिलवस्तु । अर्घाखाँचीको शितगंगा नगरपालिका वडा नम्बर १३ मा विषालु च्याउ खाँदा ५ जना बिरामी भएका छन् । बिरामी भएका ५ जनाको नै लुम्बिनी प्रादेशिक अस्पताल बुटवलमा उपचार भैरहेको छ ।

बिरामी हुनेमा शितगंगा नगरापलिका वडा नम्बर १३ सिमलपानीको पारे निवासी ९० वर्षीय जानकी भाट क्षेत्री, १४ वर्षीय बाल कृष्ण वि.सी., १० वर्षीय विपिन वि.सी., देउराली निवासी ३८ वर्षीय सार्दा वि.सी. र १० वर्षीय तनुजा वि.सी. रहेका छन ।

आइतबार बिहान जगँलबाट ल्याएको च्याउ खाएर काममा हिडेका उनीहरु टाउको दुख्ने, बान्ता हुने, पखला लाग्ने जस्ता समस्या भएपछि उनीहरुलाई अस्ताल लगिएको थियो । अहिले उनीहरुको अवस्था सामान्य रहेको जनाइएको छ । वडा अध्यक्ष दुर्गा बिसीका अनुसार एउटै टोलका पाँच जना च्याउ खाँदा बिरामी भएका हुन ।