पहिरोले अबरुद्ध गोरुसिँगे–सन्धिखर्क सडक पुन संचालन

कपिलवस्तु । लगातारको वर्षाका कारण गोरुसिँगे–सन्धिखर्क सडक खण्डका ठाउँठाउँमा खसकेको पहिरो पन्छाएपछि दिउसोदेखि पुनः यातायताका साधन संचालनमा आएका छन् । केही दिन यता परिरहेको वर्षाका कारण यो सडक खण्डका विभिन्न स्थानमा पहिरो जाने क्रम नरोकिएको प्रहरीले जनाएको छ ।

अर्घाखाँची सडक खण्डको घुम्ती नरपानी, जगत , दहखोला र भुवनपाटा आसपासका क्षेत्रमा लगातारजसो पहिरो गएपछि सडक अवरुद्ध भएको हो । आज सन्धिखर्कबाट बिहान काठमाडौं र बुटवलका लागि हिँडेका यात्रु पहिरो खसेर सडक बन्द भएपछि अलपत्र परेका थिए ।

मंगलबार बेलुकासम्म गाडी चलेपनि रातभरि परेको अविरल वर्षाले पहिरो गएर सडक पुरेपछि बुधबार बिहानैदेखि सवारीसाधन चल्न सकेका थिएनन् । जिल्ला प्रहरी कार्यालय अर्घाखाँचीका प्रहरी नायव उपरिक्षक डिएसपी मुकुन्द प्रसाद रिजालका अनुसार दिनभर अबरुद्ध सडकको पहिरो पन्छाएपछि अहिले भने यातायतता संचालनमा आएको छ । अझै पनि वर्षाको सम्भावना रहेकाले अझै पहिरोको जोखिम भने रहेको छ ।

प्रतिक्रिया