अध्यक्षका छोराले कर्मचारीमाथि हातपात गरेपछि कामकाज नै ठप्प

प्युठान । जिल्लाको झिमरुक गाउँपालिकाका अध्यक्ष पितबहादुर महतरा क्षेत्रीका छोरा मिलन एमसीले सोही गाउँपालिकाका कर्मचारीमाथि हातपात गरेपछि कर्मचारीहरूले कामकाज ठप्प पारेका छन्।

बुधबार भुक्तानीका लागि स्थानीय २ जना उपभोक्तासहित आएका अध्यक्ष महतराका छोरा मिलनले रोजगार शाखाका सहायक दिपक जीसीलगायतका व्यक्तिमाथि हातपात गरेपछि आफूहरूले नियमित र दैनिक कामकाज बन्द गरेको प्रमुख प्रशासकीय अधिकृत सुवास रिजालले जानकारी दिए।

उनका अनुसार रोजगार शाखा सहायकलगायत अन्य कर्मचारीमाथि हातपात भएको छ। कर्मचारीमाथि हातपात भएपछि कर्मचारीहरू प्रमुख प्रशासकीय अधिकृतको कार्यकक्षमा आएको र कर्मचारीसँगै आएका मिलनले आफूमाथि नै हातपातको प्रयास गरेको प्रमुख प्रशासकीय अधिकृत रिजालले जनाए।

प्रक्रिया नपुगेको योजनालाई एमसीले जबर्जस्ती पास गराउन खाजेको र कर्मचारीले नमानेपछि हातपात गरेको कर्मचारीहरूले बताएका छन्। हातपात गर्ने पालिका अध्यक्षका छोरा मिलन अखिल ९क्रान्तिकारी०का केन्द्रीय उपाध्यक्षसमेत हुन्।

156

प्रतिक्रिया

खबर सबै

रसुवामा बाढी आउनुअघि नेपाल–चीन सीमा नजिक ४.४ म्याग्निच्युडको भूकम्प

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU