कपिलवस्तुका ५ पालिकामा सोमबार देखि विद्यालयमा गर्मी बिदा

कपिलवस्तु । अत्याधिक गर्मी बढेसँगै कपिलवस्तुका पाँच पालिकाले विद्यालय बन्द गर्ने निर्णय गरेका छन् । जिल्लाको बुद्धभुमि नगरपालिका, कृष्णनगर नगरपालिका र शुद्धोधन गाउँपालिकाले आज निर्णय गर्दै विद्यालयमा गर्मी बिदा दिएका हुन् ।

यस अघि बाणगंगा नगरपालिका र कपिलवस्तु नगरपालिकाले सोमबार देखि लागु हुने गरी बिदाको निर्णय गरेका थिए । आइतबार तीन पालिकाले सूचना जारी गर्दै बिदाको निर्णय सार्वजनिक गरेका छन् ।

बुद्धभुमि र कृष्णनगर नगरपालिकासहित शुद्धोधन गाउँपालिकाले सोमबार भोलि देखि आउँदो शुक्रबार सम्म बिदाको निर्णय गरेका छन ।

यी तीन पालिकामा ५ दिन बिद्यालय बिदा हुने भएका छन भने बाणगंगा र कपिलवस्तु नगरपालिकाले ६ दिन बिदा दिएका छन् ।

तराईका जिल्लामा अत्याधिक तापक्रम बृद्धी भएपछि अहिले धमाधम पालिकाहरुले बिद्यालयमा बिदा दिने निर्णय सार्वजनिक गरिरहेका हुन् । विशेष गरी विद्यालयमा प्रयाप्त भौतिक पूर्वाधारको अभाव र दिउसोको समयमा चल्ने तातो हावाका कारण विद्यार्थीहरुको पठनपाठनमा समस्या भएका कारण अहिले पालिकाहरुले विद्यालयमा गर्मी बिदा दिएका हुन ।