गर्मी बढेपछि बाणगंगा नगरपालिकाले दियो बिदा, ६ दिन विद्यालय बन्द हुने

कपिलवस्तु । कपिलवस्तुको बाणगंगा नगरपालिकाले अत्याधिक गर्मी बढेसँगै ६ दिनका लागि बिद्यालयहरु बन्द गर्ने भएको छ । केही दिन यता कपिलवस्तुको तापमान उच्च तहमा पुगेसँगै विद्यालयमा अध्ययनरत बालवालिकाहरुलाई विद्यालय समयमा हुने अध्ययनमा समस्या देखिएपछि नगरपालिकाको शिक्षा शाखाले विद्यालय बन्द गर्ने निर्णय गरेको हो ।

नगरपालिकाका शिक्षा शाखा प्रमूख खिमबहादुर जिसीका अनुसार शुक्रबार बिहान बसेको प्रधानाध्यापकहरुको बैठकले आउँदो सोमबार (जेठ २२ गते) देखि आइतबार (जेठ २८ गते) सम्मका लागि ६ दिन विद्यालय बन्द गर्ने निर्णय गरेका हुन ।

नगरपालिकामा संचालित सामुदायिक र संस्थागत सबैखाले विद्यालयका प्रधानाध्यापकहरुको शुक्रबार बसेको संयुक्त बैठकले नगरको शैक्षिक वर्ष २०८० को क्यालेण्डरमा रहेको गर्मी बिदा आश्यकता अनुसार दिने व्यवस्था भए अनुसार अहिले दैनिक बढिरहेको गर्मीको समयलाई मध्यनजर गरी यो विदाको निर्णय गरेको नगरपालिकाको शिक्षा शाखाले जारी गरेको सूचनामा उल्लेख गरिएको छ ।

उक्त सुचना अनुसार जेठ २९ गते देखि भने विद्यालय नियमित हुने समेत जनाइएको छ । नगरपालिकाले प्रधानाध्यापकहरुको संयुक्त बैठकको यो निर्णयलाई कार्यान्वयन गर्न समेत सबै विद्यालयहरुलाई आग्रह समेत गरेको छ ।