लुम्बिनी प्रदेशमा माओवादीका मास्की बने आर्थिक मामिला मन्त्री

रूपन्देही । लुम्बिनी प्रदेश सरकारको आर्थिक मामिलामन्त्रीको जिम्मेवारी नेकपा (माओवादी केन्द्र) का धनबहादुर मास्कीले पाएका छन् । मुख्यमन्त्री डिल्लीबहादुर चौधरीले सोमबार मास्कीलाई आर्थिक मामिला मन्त्रालयको जिम्मेवारी दिएका हुन् ।

उनलाई आइतबार नै आर्थिक मामिलामन्त्रीको जिम्मेवारी दिने तयारी भए पनि माओवादीकै प्रदेशसभा सदस्य कृष्णा केसीले विरोध गरेपछि रोकिएको थियो । केसीले माओवादीले भौतिक पूर्वाधार विकासमन्त्री नपाए आफूले आर्थिक मामिला मन्त्रालय पाउनुपर्ने अडान राखेपछि नागरिक उन्मुक्ति पार्टीका धर्मबहादुर चौधरीलाई दिन लागिएको भौतिक पूर्वाधार मन्त्रालयको जिम्मेवारी भने रोकिएको छ । केसीकै कारण आइतबारको जिम्मेवारी बाँडफाँट पनि अन्तिम समयमा रोकिएको थियो ।

मास्की वैशाख १५ गते बिनाविभागीय मन्त्रीमा नियुक्त भएका थिए । मास्की दाङको निर्वाचिन क्षेत्र नं। ३ (२)बाट निर्वाचित हुन् । उनीसँगै नियुक्त भएका उन्मुक्तिका चौधरी र लोसपाका सन्तोषकुमार पाण्डेय भने अझै बिनाविभागीय नै छन् ।

159