प्रचण्डलाई टोप बहादुरको फोन : माओवादीमा फर्किन्छु सहयोग गर्नु

काठमाडौं

नक्कली भुटानी शरणार्थी बनाएर मानव तस्करी गरेको काण्डमा मुछिएपछि अदालतले पक्राउ पूर्जी जारी गरी प्रहरीले खोजी गरिरहेका नेकपा एमालेका सचिव टोबहादुर रायमाझी अहिले मोबाइल अफ गरेर फरार छन् ।

बुधबार अर्घाखाँचीबाट काठमाडौं जान भन्दै हिँडेका रायमाझी राति ९ बजेपछि सम्पर्कविहीन बनेका थिए । उनका छोरा सन्दीप रायमाझीलाई भने प्रहरीले पक्राउ गरेर अदालतमा पेश गरिसकेको छ । राति ९ बजे भैरहवाबाट काठमाडौं जाने टिकट काटेका टोपबहादुरलाई भने प्रहरीकै संलग्नतामा भगाइएको बुझिएको छ ।

पूर्वउपप्रधानमन्त्री समेत रहेका रायमाझी सुरक्षा घेरामै हुने गर्छन् । त्यसमाथि बुधबार सभामुख देवराज घिमिरेसँगै रहेका उनी अर्घाखाँचीबाट त हिँडे तर विमानस्थल पुगेनन् । मोबाइल स्विच अफ गरेर फरार भएका उनले अहिले विभिन्न नेताहरूलाई हारगुहार गरेको खुलेको छ ।

एकातिर अरबौं रकम अर्कातिर मानव तस्करी जस्तो गम्भीर अपराधमा फसेपछि उनले यो काण्डलाई मिलाइदिन माओवादीका केही नेताहरूलाई सम्पर्क गरेको बुझिएको छ । माओवादी केन्द्रका एक नेताका अनुसार प्रधानमन्त्री पुष्पकमल दाहाल प्रचण्डले फोन नउठाएपछि रायमाझीले माओवादीकै अन्य नेतामार्फत अध्यक्षसँग कुरा गरिदिन अनुनय विनय गरिरहेको बताए ।

प्रधानमन्त्री प्रचण्डले भने यो विषयमा वास्ता गरेका छैनन्। रायमाझीले माओवादीका एक पदाधिकारीलाई फोन गरेर प्रचण्डसमक्ष कुरा गरिदिन आग्रह गरेको कुरा पार्टी वृत्तमा चर्चाको विषय बनेको छ । रायमाझीले बरु आफु माओवादीमै फर्केर सहयोग गर्न तयार भएको भन्दै आफुलाई बचाइदिन आग्रह गरेको बुझिएको छ ।

121

प्रतिक्रिया

खबर सबै

एकैदिन तोलामा ३६ सय रूपैयाँ बढ्यो सुनको भाउ, आज कतिमा हुँदैछ किनबेच?

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट

MENU