बैकल्पिक राजनीति पुनःगठन अभियानको सर्वपक्षीय बैठक, वैकल्पिक शक्तिहरु एउटै छातामुनि उभिनुपर्ने निश्कर्ष

काठमाडौ । बैकल्पिक राजनीति पुनःगठन अभियान ,नेपालको आयोजनामा आज काठमाडौंमा बसेको सर्बपक्षिय बैठकले देशमा राज्य, राजनैतिक दल र कर्मचारी तन्त्र योजनाबद्ध ढङ्गले सिन्डिकेटको माध्यमबाट लुटपाटमा उत्रिएकोले नागरिक जीवन झनपछि झन कष्टकर बन्दै गएको निश्कर्ष निकालेको छ । यस्तै उक्त बैठकले देशको अर्थतन्त्र अहिलेसम्मकै सबैभन्दा खराब अबस्थामा रहेको ,राष्ट्रियता ,जनतन्त्र र जनजिबिकाको सबाल पेचिलो बनेकोले आफू लाई नयाँ र बैकल्पिक भनिने दल र समूह एउटै छातामुनी गोलबन्ध भएर संयुक्त संघर्षमा उत्रनु पर्ने निष्कर्षमा पुगेका छन ।

उक्त बैठकमा देशका ठुला साना दुई दर्जन बढी दल÷ समूह र ब्यक्ति बिशेषको उपस्थिति रहेको बैकल्पिक राजनीति पुनः गठन अभियान ,नेपालका केन्द्रीय कार्यदल सदस्य जाबेद इकबालले जानकारी गराउनु भएको छ । बैठकमा बिबेकशिल साझा पार्टीकि अध्यक्ष समिक्षा बासकोटा, महासचिव रन्जु दर्शना , स्थापक नेता केसब दहाल ,नागरिक उन्मुक्ति पार्टीका बिद्रोही नेता डा. सुरेन्द्र चौधरी ,राजनैतिक बिश्लेषक मुमाराम खनाल , लोसपा नेपालका केन्द्रीय सदस्य केसब झा , राष्ट्रिय संकल्प अभियानका नेता हेमराज भण्डारी, तत्कालीन बिबेकशिल साझा पार्टीका पुर्ब अध्यक्ष मिलन पाण्डेको समेत उपस्थिति रहेको थियो ।

बैठकले आजै प्रगतिशील लोकतान्त्रिक मोर्चा बनाउने र त्यसको माध्यमबाट देशै भरी आन्दोलनका कार्यक्रम घोषणा गर्नका लागि थप तयारी गर्ने बुझिएको छ । बैठकको सहजीकरण डम्बर खतिवडा ,प्रशान्त सिंह र असोक श्रेष्ठले गर्नु भएको जनाइएको छ ।

डा. बाबुराम भट्टराईले नेतृत्व गरेको नेपाल समाजबादी पार्टीको केन्द्रीय सदस्य पद बाट राजिनामा दिएका डां मदन राई डम्बर खतिवडा ,प्रशान्त सिंह ,असोक श्रेष्ठ र नारायण खनाल लगायतका नेताहरु यतिबेला देशमा बैकल्पिक राजनितीको एउटै केन्द्र बनाउने उदेश्य लाई ध्यानमा राखेर सबै संँग सार्थक सहजिकरण गरिरहनु भएको राजनैतिक बिश्लेषकहरु बताउछन् ।

109