एमाले अध्यक्ष ओली कपिलवस्तु आउँदै

कपिलवस्तु । नेकपा (एमाले) का अध्यक्ष एवम् पूर्व प्रधानमन्त्री के.पि.शर्मा ओली कपिलवस्तु आउनुहुने भएको छ ।

पूर्व प्रधानमन्त्री ओली यही चैत्र ११ गते शनिवार जिल्ला स्तरीय भेला तथा प्रशिक्षणमूलक कार्यक्रमलाई सम्बोधन गर्न आउने कार्यक्रम तय भएको एमाले जिल्ला अध्यक्ष डम्मर शर्माले जानकारी दिनु भयो ।

सिद्धार्थ क्याम्पसको सभाहलमा शनिवार हुने प्रशिक्षणमूलक कार्यक्रममा जिल्ला स्तरका नेता तथा कार्यकर्ताको सहभागिता रहने एमाले जिल्ला प्रचार तथा प्रकाशन विभाग कपिलवस्तुले जनाएको छ ।

एमालेले अहिले पालिका स्तरमा मिसन ग्रासरुट अभियान चालाइरहेको छ । उक्त अभियान सक्रिय भइरहेका बेला पार्टी अध्यक्ष ओली शनिबार कपिलवस्तु आउने कार्यक्रम रहेको नेकपमा एमालेले जनाएको छ ।

प्रतिक्रिया