बाणगंगा ६ का बिपन्न परिवारलाई न्यानो कपडा बितरण

रामबहादुर गन्धर्व,कपिलवस्तु । नेपाली कांग्रेस बाणगंगा नगरपालिका वडा नं.६ को पहलमा शनिबार एक कार्यक्रमको आयोजना गरि विपन्न नागरिकहरुलाई न्यानो कपडा (बलंकेट) बितरण गरिएको छ।

नेपाली कांग्रेस बाणगंगा नगरपालिका ६ नम्बर वडा कार्यसमिति लक्ष्मणघाटको आयोजना र अस्ट्रेलियाको मेलवर्नमा बस्ने आदर्श शर्माको सौजन्यमा वडाभित्र रहेका विभिन्न टोलका अति बिपन्न २५ जना नागरिकहरुलाई न्यानो कपडा बितरण गरिएको हो । बिगत दुई हप्तादेखि बढदै गएको चिसोबाट बच्नका लागि १/१ थान बलंकेट (न्यानो कपडा ) बितरण गरिएको छ भने न्यानो कपडा पाएपछि नागरिकहरु खुसी भएका छन् ।

विभिन्न टोलका जिम्मेवार प्रतिनिधि, वडाका जनप्रतिनिधि, स्थानीय समाजसेवी ,बुद्धिजीवी लगाएतको उपस्थिति रहेको कार्यक्रम अनिल पाण्डेको सभापतित्व ६ नम्बर वडाका अध्यक्ष करूण टण्डनको प्रमुख आतिथ्यता र नाथु चौधरीको सञ्चालनमा सम्पन्न भएको थियो ।