चिसो बढ्यो, कपिलवस्तुसहित तराईमा चिसो हावा र शितलहर सुरु

कपिलवस्तु । कपिलवस्तुसहित देशभर चिसो बढेको छ । मंगलबार देखि ह्वात्तै बढेको चिसोका कारण कपिलवस्तु सहित तराईका जिल्लामा सितलहर नै सुरु भएको छ भने बिहान र रातिको समयमा बाक्लो हुस्सु लाग्ने गरेको छ ।

यस्तै दिउसोको समयमा चिसो हावासँगै सितलहरका कारण विशेषगरी बालवालिका र बृद्धबृद्धाहरु बढि प्रभावित भएका छन् । चिसो बढेसँगै बजारमा नागरिकहरुको चहलपहल समेत घट्न थालेको छ ।

यस्तै अस्पतालमा रुघा खोकिका बिरामीको संख्या समेत बढेको छ ।

देशभर चिसो बढिरहेकाले सतर्कता अपनाउन मौसम पूर्वानुमान महाशाखाले आग्रह गरेको छ। वायुको अधिकतम र न्यूनतम तापक्रम घट्ने क्रममा रहेकोले चिसोबाट बच्न सामान्य सतर्कता अपनाउन महाशाखाको अनुरोध छ ।