दिल्लीको कोत्ला मुवारकपुर पुलिस थानाको सहयोगमा उद्धार गरी शुक्रबार नेपाल फर्काइएको हो ।

गत कात्तिक २४ गतेदेखि हराएकी सन्धिखर्क नगरपालिका निवासी १७ वर्षीया किशोरी शान्ति पुनर्स्थापना गृह बाँकेले देहरादुनस्थित हेल्पक्रस संस्था र भारतीय प्रहरीको सहयोगमा उद्धार गरेको गृहका क्षेत्रीय संयोजक भूमिराज भट्टराईले बताए ।

उनका अनुसार दिल्ली प्रहरीका डिसीपी एम.एस.चन्दन चौधरीको निर्देशन र कोटला थानाका इन्चार्ज सुनिल गोडियालको सक्रियतामा किशोरीलाई फकाएर भारत पुर्‍याउने सन्धिखर्क नगरपालिका–६ अर्घाखाँची निवासी २४ वर्षीय सुभाष नेपालीलाई समेत पक्राउ गरी जिल्ला प्रहरी कार्यालय बाँकेमा बुझाइएको छ ।

किशोरीका अभिभावकले खोजतलासको लागि जिल्ला प्रहरी कार्यालय अर्घाखाँची र शान्ति पुनर्स्थापना केन्द्र बाँकेमा निवेदन दिएका आधारमा खोजी गर्ने क्रममा भारतको नयाँ दिल्लीमा युवा–युवतीलाई फेला पारिएको थियो ।

भारतीय प्रहरीको सहयोगमा उनको खोजतलास गर्न दस दिन लागेको थियो ।उद्धार गरिएकी किशोरीलाई परिवारको जिम्मा लगाउने तयारी भएको शान्ति पुनर्स्थापना गृह बाँकेका संयोजक निर्मल सुवेदीले सुनाए ।

चिनजानपछि सामाजिक सञ्जाल मार्फत कुरा हुँदै जाँदा किशोरीलाई प्रलोभनमा परेर दिल्ली पुर्‍याइएको अनुसन्धानबाट खुलेको छ । कान्तिपुरबाट ।