धनकुटामा १०१ वर्षीय हर्कमाया अधिकारीले गरिन् मतदान

धनकुटामा १०१ वर्ष उमेरकी ज्येष्ठ नागरिक हर्कमाया अधिकारीले मतदान गरेकी छन् ।

धनकुटा नगरपालिका वडा नं. १० सिद्धदेवी आधारभुत विद्यालयको मतदान केन्द्र उनले मतदान गरेकी हुन् । बिहान करिब ८ बजेतिर उनले मतदान गरेको स्थानीय वलराम दाहालले बताए ।

शारिरीक रुपमा अशक्त रहेकी उनलाई परिवारका अन्य सदस्यहरुले स्ट्रेचरमा बोकेर मतदानस्थल ल्याएका थिए ।

ज्येष्ठ नागरिक अधिकारीको घर मतदान स्थलभन्दा करिब डेढसय मिटरमा छ । तर, त्यहाँको मतदान केन्द्र ज्येष्ठ नागरिक तथा अपाङमैत्री नहुँदा असहज भएको छ ।