कोईली पुल बन्ने भए पछि भलवाडवासी हर्षित, पुलमा राजनिति गर्न नहुने भलवाडवासीको भनाई

कपिलवस्तु

कपिलवस्तुको बाणगंगा नगरपालिका वडा नंं. ७ र ९ जोड्ने बनगाई मोतिपुर भलवाड डोहोटे सडक खण्ड अन्तगर्तको कोईली पुल निर्माणले गति लिने भएको छ । करिव १ दर्जन नागरिकको ज्यान लिएको कोईली खोलाको पुल निर्माण नहुंदा दिनहुं हजारौ सर्वसाधारण ओहोरदोहोर गर्न निकै कठिन भएको थियो । अझ बर्षायामको बेला आउने बाढीले वारीपारीको सम्पर्क समेत अवरुद्ध हुने गर्दथ्यो ।

वि.स. २०७७ सालमा तत्कालीन प्रदेश सांसद बिष्णु पन्थीको पहलमा लुम्बिनी प्रदेश सरकारले डिपिआर तयार गरि सोहि बर्ष ठेक्का सम्झौता समेत भएको थियो ।

ठेक्का पश्चात ठेकेदारले प्रदेश सरकारबाट पन्थीकै पहलमा विनियोजित १४ करोड बजेट मध्ये ९ करोडमा ठेक्का लिएको थियो । निर्माण कार्य समेत सुरु भएको उक्त कोईली पुलको जग्गा विवादका कारण स्थानीयले अदालतमा मुद्धा दायर गर्दा निर्माण कार्य रोकिएको थियो ।

अदालतको अन्तिम फैसलाबाट रोकिएको निर्माणाधीन कोइली खोलाको पुलको अब पुनः निर्माणको काम सुरु हुने भएको छ ।

वाणगंगा ७ र ९ जोड्ने कोइली पुल बन्ने भए पछि भलवाड वासी खुसि छन् तर पुलमा राजनिति गर्न नसुहाउने पनि भलवाड वासी बताउन्छन् । सबैको नेतृत्व र पहलमा पुलको मुद्धा फैसला भएको उनिहरु बताउन्छन् । केहि दिन अघि भलवाड आएर चुनावी सभालाई सम्बन्ध गदैँ गठबन्धनका प्रतिनिधि सभा उम्मेदाव चक्रपाणी खनाल (बलदेव)ले पुलको मुद्धाको काम सकिएको र अबको केहि दिनमा पुल बनाउन अदालतले आदेश दिने बताएका थिए । त्यसको ७÷१० दिनमै अदालतले पुल बनाउने बाटो खोलि दिएको छ ।