कपिलवस्तु १ : गठबन्धनका उम्मेद्धार खनाल घरदैलोमा व्यस्त

कपिलवस्तु । कपिलवस्तु प्रतिनिधि सभा–१ का उम्मेदवार चक्रपाणी खनाल ‘बलदेव’ले मतदाता भेटघाटलाई तिव्र दिइरहेका बेला जिल्लाका पुराना योनजाको पूर्णता र शिक्षा, स्वास्थ्य, कृषि र सडक पूर्वाधारलाई प्रथामिकतामा राख्ने बताएका छन् ।

निर्वाचन तयारी सहित मतदाताका भेटघाटमा हिडिरहेका उम्मेद्धार खनालले आफू संसदमा पुगेपछि र मन्त्री भएपछि जिल्लामा ल्याएका आयोजनाहरु केही अझै अधुरै रहेको भन्दै ति आयोजनाको पूर्णता दिन पनि यसपटक उम्मेद्धार बनेर जनताका बिचमा आएको बताएका हुन् । उनले कपिलवस्तु १ को समग्र विकासका लागि यसपटक मतदान गरि जिताउन पनि आग्रह गरेका छन्।

सत्तारुढ चार दलीय गठबन्धनबाट माओवादी केन्द्रका उम्मेदवार रहेका खनालले जिल्लाको दक्षिणी क्षेत्रका मतदातालाई भेट्न घरदैलोमा जोड दिएको गठबन्धनको निर्वाचन परिचालन समितिले जनाएको छ ।

०७४ मा तत्कालिन बामगठबन्धनबाट चुनाव जिते पनि पार्टी भित्रको अन्तरकलहले सोचेजस्तो काम गर्न नसकेको उनले मतदाता सामु स्विकारेका छन् । यतिबेला सत्ता गठबन्धनको गतिलो साथ पाएका खनालले आफुले निर्वाचन जित्नेमा समेत ढुक्क छन्।