नेकपाकाे नवाैँ महाधिवेशन : महासचिवमा विप्लवलाई नै जिम्मेवारी

कपिलवस्तु । नेपाल कम्युनिस्ट पार्टीको कपिलवस्तुमा भएको नवौं महाधिवेशनले महासचिवमा नेत्रविक्रम चन्द ‘विप्लव’लाई पुनः चयन गरेको छ ।

विप्लवको नेतृत्वमा ८१ सदस्यीय पूर्ण केन्द्रीय समिति निर्वाचित गरिएको छ ।

८१ जनाको पूर्ण केन्द्रीय समितिमा ३ जना पछि थप्ने गरी ७८ जनालाई निर्वाचित गरेको छ भने ४५ जना वैकल्पिक केन्द्रीय सदस्य निर्वाचित गरेको छ ।

४५ जना वैकल्पिक केन्द्रीय सदस्यहरूमा ४२ जना केन्द्रीय सदस्य निर्वाचित भएका छन् भने ३ जना पछि थपिने नेकपा स्रोतले बताएको छ । महाधिवेशनले १३९ सदस्यीय केन्द्रीय प्रतिनिधि समिति पनि निर्वाचित गरेको छ ।

प्रतिनिधि समितिमा १३२ जना निर्वाचित गरिएको छ भने ७ जना पछि थपिने छ । नेकपाले केन्द्रीय समिति, वैकल्पिक केन्द्रीय समिति र केन्द्रीय प्रतिनिधि समितिसहित केन्द्रीय नेतृत्वमा ३ तहको  संरचना निर्माण गरेको छ ।

पूर्ण केन्द्रीय समिति, वैकल्पिक केन्द्रीय समिति र प्रतिनिधि समितिसहित २६५ जनाको समिति निर्वाचित गरिएको छ ।

महाधिवेशनपछि बस्ने केन्द्रीय समितिको बैठकले अन्य पदाधिकारी र विभागहरू चयन गर्ने बुझिएको छ । ८ दिनसम्म चलेको महाधिवेशन बुधवार बिहान ८ बजे समापन हुने जनपत्रकार संगठनका निवर्तमान केन्द्रीय अध्यक्ष तथा केन्द्रीय प्रचार विभाग सदस्य प्रकाश डुम्रेले बताए ।
100

प्रतिक्रिया

खबर सबै

माउण्ट एभरेस्ट सहकारीकाे २८ ओैँ साधरणसभा सम्पन्न

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट

MENU