कपिलवस्तु १ मा गठबन्धन उम्मेद्धारद्धारा सम्पर्क कार्यालय स्थापना

कपिलवस्तु । सत्ता गठबन्धनका उम्मेद्धारहरुको चुनावी प्रचार प्रसार र कार्यक्रताहरु बिचको सम्पर्क स्थापनाका लागि गठबन्धनले कपिलवस्तु क्षेत्र नः १ (क) मा सम्पर्क कार्यलय स्थापना गरेको छ ।

आउँदो मंसिर ४ को निर्वाचन लक्षित सो कार्यालय बाणगंगा नगरपालिका स्थित चार नम्बरमा स्थापना गरीएको हो । कार्यालयको प्रतिनिधि सभाका उम्मेद्धार चक्रपाणी खनाल बल्देवले उद्घाटन गरेका छन् ।

कार्यालय उद्घाटन पछि बलदेवले गठबन्धनले जितेमा देशले बिकासमा गति लिने दाबी पनि गरे । उनले कपिलवस्तुमा गठबन्धनमा देखिएको बिवाद तिहारभित्र मिल्नेमा बिश्वास ब्यक्त गरेका छन ।

त्यस्तै सत्ता गठबन्धनबाट कपिलवस्तु क्षेत्र नः १ (क) का उम्मेदवार डोलकराम घिमिरेले कृषि, शिक्षा, पर्यटन क्षेत्रको बिकासमा आफुले नेतृत्वदायी भुमिका खेल्ने बताए ।

त्यस्तै कपिलवस्तु गठबन्धन परिचालन समितिका संयोजक अत्तहर कमाल मुसलमानले कांग्रेसभित्र बसेर घात गर्नेलाई कारबाही हुने बताउदै गठबन्धनका उम्मेदवारलाई जिताउन नेता तथा कार्यकर्तालाई निर्देशन दिएका छन । कार्यक्रममा कांग्रेस, माओवादी केन्द्र, एकिकृत समाजवादी, जनमोर्चाका नेता तथा कार्यकताको सहभागिता रहेको थियो ।