वैकल्पिक राजनितिका अभियान्ताहरु कपिलवस्तु आउँदै

कपिलवस्तु । बैकल्पिक राजनितिक शक्ति निर्माण अभियान २०७९ को केन्द्रिय कार्यदलका नेताहरुको उपस्थितिमा लुम्बिनी प्रदेशको कपिलवस्तुमा हुने प्रदेश स्तरीय भेलामा आउने भएका छन् । प्रदेश भेला तथा बृहत अन्र्तक्रिया कार्यक्रमका लागि उनीहरु कपिलवस्तु आउने जनाइएको छ ।

बरिष्ठ कृषिविद् डा. मदन राइ, बरिष्ठ राजनितिज्ञ बिरेन्द्र पोख्रेल, वैकल्पिक राजनितिका भाष्यकार डम्बर खतिवडा, प्रशान्त सिहँ र अशोक श्रेष्ठको पाँच सदस्यीय कार्यदल कात्तिक २ गते कपिलवस्तु आउने भएका हुन । कपिलवस्तुको चार नम्बर जितपुरमा आयोजना गरिने भेलामा उनीहरु सहभागि हुने तयारी भएको जनाइएको छ ।

वैकल्पिक राजनितिक अभियान्ताहरुले केही समय अघि काठ्माण्डौँमा भेला आयोजना गरेका थिए भने असोज महिना भरमा प्रदेश भेला गर्ने र कात्तिक मसान्त सम्म स्थानीय तहका भेला गर्ने निर्णय गरेका थिए ।
वैकल्पिक राजनितिक शक्ति निर्माण अभियान २०७९ का अभियान्तहरुको आफ्नो कुनै राजनितिक दल नभएकै कारण आसन्न आम निर्वाचनमा भाग पनि नलिने र बहिस्कार पनि नगर्ने बताएका छन् । उनीहरुले देशका ७७ वटै जिल्लामा स्वतन्त्र रुपमा उम्मेद्धारी दिने उमेद्धारहरुलाई सघाउने जानकारी गराएका छन् ।

यस अभियानका अभियान्ताहरु मिलन पाण्डेको नेतृत्वमा रहेको विवेकशिल साझा पार्टी, रन्जिता श्रेष्ठ थारुले नेतृत्व गरेको नागरिक उन्मुक्ति पार्टीसँग बृहत वैकल्पिकक राजनितिक शक्ति निर्माणका लागि संवादमा रहेको पनि स्रोतले जनाएको छ ।

136