अर्घाखाँचीमा पहिरोको जोखिम बढेपछि ५७ जनालाई सुरक्षित स्थानमा सारियो

अर्घाखाँची । पहिरोको उच्च जोखिमका कारण अर्घाखाँचीमा १४ घरका ५७ जनालाई सुरक्षित स्थानमा सारिएको छ । घर वरपर जमिन चर्किने, घर माथिबाट लेदो बग्ने कारणले ती घर परिवारलाई प्रहरीले स्कुल, स्वास्थ्य चौकी र आफन्तको घरमा सारेको छ ।

सन्धिखर्क नगरपालिका–६ जगतका ३ घरका १३ जनालाई आफन्तको घरमा सारिएको छ । जगतका टामलाल सुनारका ६ जना, बाबुराम सुनारका श्रीमती र छोरा, गोपाल सुनारका ५ जनालाई आफन्तको घरमा लगेर राखिएको प्रहरी निरीक्षक अर्जुन पौडेलले बताए । उनका अनुसार गोपाल र बाबुराम भारतमा रोजगारीमा छन् । उनीहरू तीनै जना दाजुभाइ हुन् । उनीहरूको घर वरपर जमिन चर्केका कारण पहिरोको उच्च जोखिम भएकोले तत्काल सुरक्षित स्थानमा सारिएको उनले बताए ।

यस्तै छत्रदेव गाउँपालिकामा १० घर परिवारका ३१ जना घर छाडेर अन्यत्र गएका छन् । वडा नम्बर ८ मा ८ घरका ३१ जना र वडा ५ को २ घरका ११ जनालाई स्थानीय सरस्वती मावि भुस्खातामा सारिएको प्रहरी निरीक्षक पौडेलले बताए । यस्तै पाणिनी गाउँपालिका वडा नम्बर–८ मा पनि पहिरोको जोखिम भएपछि १ घरका दुईजनालाई सुरक्षित स्थानमा राखिएको छ ।

लगातार तीन दिनदेखिको अविरल वर्षाले जोखिम बढेपछि अत्यावश्यक कामबाहेक हिँडडुल नगर्न जिल्लावासीलाई अर्घाखाँची प्रहरीले सूचना समेत जारी गरेको छ ।

95

प्रतिक्रिया

खबर सबै

बाढीपीडितको राहतमा जुट्दै ‘लायन्स क्लब अफ कपिलवस्तु’

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU