सन्धिखर्क-७ मा खोलाले बगाउँदा एक बालक बेपत्ता

सन्धिखर्क : अर्घाखाँचीको सन्धिखर्क-७ मा खोलाले बगाउँदा एक बालक बेपत्ता भएका छन्। दसैं मनाउन मामाघर हिँडेका बालकलाई खोलाले बगाएर बेपत्ता बनाएको प्रहरीले जनाएको छ।

सन्धिखर्क नगरपालिका वडा नम्बर-७, खाँचीकोट किटेनी निवासी तारा पौडेलका १० वर्षीय छोरा समिर पौडेललाई स्थानीय फर्ज्याङ खोलाले बगाएको जिल्ला प्रहरी कार्यालय अर्घाखाँचीका जिल्ला प्रहरी कार्यालयका अर्घाखाँचीका प्रहरी नायब उपरीक्षक मुकुन्द रिजालले जानकारी दिए।

पौडेल एक छोरा र एक छोरी लिएर दसैँ मनाउन भूमिकास्थान-७, चिदिचौरस्थित मामाघर जाने क्रममा खोला तर्न खोज्दा बालकलाई बगाएको जिल्ला प्रहरी कार्यालय अर्घाखाँचीले जनाएको छ।

आफ्नो बच्चा खोलाले बगाएपछि पौडेलले प्रहरीलाई खबर गरेकी थिइन्। करिब ३ बजे प्रहरी टोली घटनास्थलमा पुगी खोजिकार्य गरे पनि फेला पार्न सकेको छैन। बच्चाको खोजीकार्य जारी रहेपनि आज रात परिसकेकाले बिहीबार पुनः खोजीकार्य गरिने प्रहरीले जनाएको छ।

99

प्रतिक्रिया

खबर सबै

बाढीपीडितको राहतमा जुट्दै ‘लायन्स क्लब अफ कपिलवस्तु’

लुम्बिनी प्रदेश सबै

अम्बिका काफ्लेलाई लुम्बिनी प्रदेशसभा सदस्यबाट हटाउन सिफारिस

साझा अपडेट

MENU