कपिलवस्तुमा नेपाल किसान ट्याक्टर समितीको रत्तदान कार्यक्रममा ७६ पोईन्ट रगत संकलन

कपिलवस्तु । कपिलवस्तु स्थित नेपाल किसान ट्याक्टर समितिले सोमबार आयोजना गरेको रत्तदान कार्यक्रमबाट ७६ पोईन्ट रगत संकलन भएको छ ।

समितिले २१ औं बर्षिक उत्सवको अवसर पारेर रत्तदान कार्यक्रम गरेको हो । समितीको आफ्नै सभाहलमा भएको कार्यक्रममा विभिन्न संघसंस्था लगाएतका ७६ जना पदाधिकारीले रगत दान गरेका छन् । नेपाल रेडक्रस सोसाईटि रक्त संचार केन्द्र बुटवलको प्रविधिक सहयोगमा रत्तदान जिवनदान कार्यक्रम गरिएको बताईएको छ ।

कार्यक्रममा नेपाल किसान ट्याकटर समिती कपिलवस्तुका सचिव सन्तोष मरासिनिको संयोजकत्व, रत्त संचार केन्द्र प्रमुख तथा लुम्बिनी प्रदेश संयोजक कृष्ण प्रसाद पंगेनिको प्रमुख आतिथ्यतामा कार्यक्रम गरिएको समितीले जनाएको छ । कार्यक्रममा रगत दान गर्ने सबैलाई प्रमाण पत्र प्रदान गरिएको थियो ।

वडा न.८ का वडा अध्यक्ष बाबुराम अर्याल, नेपाल किसान ट्याकर समितीका अध्यक्ष शंकर प्रसाद पौडेलको विशिष्ट आतिथ्यता रहेको कार्यक्रमको संचालन संस्थाका निर्वतमान अध्यक्ष मधु अर्यालले गरेका थिए ।

112