प्रथम फुलबारी कप फुटबल : आहना एफसी र पारिजात पब्लिक स्कूलको जित

राजेन्द्र खनाल,कपिलवस्तु । कपिलवस्तुको बाणगंगा ७ मा मंगलबार देखि सुरु भएको प्रथम मोतिपुर फुलबारी कप फुटबल प्रतियोगितामा आज (बुधबार) दुई खेल सकिएका छन् ।

दोस्रो दिनको पहिलो खेलमा थ्री ब्रर्दस फुटबल क्लब चप्परगाउँ माथि आहाना एफसी देवीनगरले पेनाल्टी सुट आउटबाट जित हात पारेको छ । निर्धारित ९० मिटेनको खेलमा दुबै पक्षबाट एक एकको बराबरीमा खेल सकिएपछि पेनाल्टी सुट आउटबाट नजिता आएको हो ।

आजको दोस्रो खेलमा लब नेपाल एफसी पिपरालाई १–० गोल अन्तरले हराउँदै पारिजात पब्लिक स्कुल गोरुसिँगे विजयी भएको छ ।

जारी प्रतियोगितामा भोली बिहिबार पनि दुई खेल हुने संयोजक सन्दिप क्षेत्रीले जानकारी दिएका छन् । भोली पहिलो खेल डिएमसी तुल्सिपुर र चिडिया ब्वाइज फुटबल क्लव रुपन्देही बिच हुने छ भने दोस्रो खेल युनाइटेड एफसी पडरिया कपिलवस्तु र नव दुर्गा भवानी क्लव चप्परगाउँ कपलवसतु बिच हुने आयोजकले जनाएको छ ।

बाणगंगा नगरपालिका वडा नम्बर ७ मोतिपुर स्थित फुलबारी खेल मैदानमा जारी प्रतियागितामा १६ टिमको सहभागिता रहेको छ । प्रतियागितामा प्रथम हुने टिमले नगद ७० हजार सहित कप मेडल र प्रमाणपत्र पुरस्कार पाउने छ भने दोस्रो हुने टोलीले नगद ३० हजार सहित कप मेडल र प्रमाणपत्र पुरस्कार पाउने छ ।

220

प्रतिक्रिया

खबर सबै

विष्णु पौडेल पक्राउविरुद्धको बन्दीप्रत्यक्षीकरण रिट खारेज

लुम्बिनी प्रदेश सबै

लुम्बिनी प्रदेशलाई क्षेत्रिय आईटी हब बनाउने गुरुयोजना सार्वजनिक

साझा अपडेट

MENU