कपिलवस्तुका कुन निर्वाचन क्षेत्रमा कति मतदाता ? हेर्नुहोस् विवरण

राजेन्द्र खनाल, कपिलवस्तु । निर्वाचन आयोगले आगमी निर्वाचन प्रयोजनका लागि देशभरका जिल्लाहरुको मतदाता संख्या अद्यावधीक गरि जिल्ला निर्वाचन कार्यालयमा पठाएको छ । जस अन्र्तगत कपिलवस्तु जिल्लामा हाल ३ लाख ७८ हजार २३२ मतदाता कायम भएका छन् ।

जिल्ला निर्वाचन कार्यालयका सूचना अधिकारी अनिता क्षेत्रीले दिनुभएको जानकारी अनुसार कपिलवस्तुमा कुल मतदाता मध्ये पुरुष संख्या २ लाख २ हजार १ सय २५ कायम भएको छ भने महिला मतदाताको संख्या १ लाख ७६ हजार १०५ र अन्य २ जना रहेका छन् ।

यस्तै कपिलवस्तुमा आगामी निर्वाचनका लागि २ सय ३४ मतदानस्थल कायम भएका छन् भने ४ सय ७२ मतदान केन्द्र निर्धाण भएको सूचना अधिकारी क्षेत्रीले साझाकुरासँग बताउनुभयो ।

निर्वाचन क्षेत्र अनुसार कपिलवस्तुका ६ वटा प्रदेश सभा निर्वाचन क्षेत्र मध्ये १ (क) मा ७९ हजार ४५३ मतदाता छन् भने १ (ख) ६१ हजार ५६० रहेका छन् ।

यस्तै जिल्लाको प्रदेश सभा निर्वाचन क्षेत्र नम्बर २ (क) मा ६४ हजार ५१७ र २ (ख) मा ५७ हजार १५९ मतदाता कायम भएका छन् ।

कपिलवस्तुमा प्रदेश सभा निर्वाचन क्षेत्र नम्बर ३ (क) मा ६१ हजार ५८ र ३ (ख) मा ५४ हजार ४८५ मतदाता कायम भएको प्रदेश निर्वाचन कार्यलय दाङले जनाएको छ ।