गाइसँग मोटरसाइकल ठोक्किदा अर्घाखाँचीका एक युवकको मृत्यु

कपिलवस्तु । कपिलवस्तुको बुद्धभूमिमा गाइसँग मोटरसाइकल ठोक्किदा एक जनाको ज्यान गएको छ ।

बुद्धभुमि नगरपालिका–२ पानी धारामा चौपायासँग मोटरसाइकल ठोक्किँदा मोटरसाइकल चालक अर्घाखाँचीको शितगंगा नगरपालिका–१३ बाहुनखर्कका २६ वर्षीय पुष्कर भट्टराईको मृत्यु भएको हो ।

मंगलबार बेलुका सवा ७ बजे पूर्व पश्चिम राजमार्गमा लु २९ प ४०४२ नम्बरको मोटरसाइकलले गाईलाई ठक्कर दिँदा दुर्घटना भएको थियो । दुर्घटनामा घाइते भएका पुष्करको ४ नम्बर स्थित कपिलवस्तु सामुदायिक अस्पतालमा उपचारको क्रममा मृत्यु भएको हो ।

मोटरसाइकलमा पछाडी सवार उनकै ४८ वर्षीया भाउजू राधा भट्टराईको सोहि अस्पतालमा उपचार भइरहेको इलाका प्रहरी कार्यालय गोरुसिंगेले जनाएको छ ।

112