लामिछानेको दल भयो आयोगमा दर्ता, चूनाव चिन्ह गोलाकारभित्र घण्टी

काठमाडौं । रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ। आयोगको शुक्रबार बसेको बैठकले दल दर्ताका लागि उक्त पार्टीले दिएको निवेदनलाई स्वीकार्दै दलको मान्यता दिएको हो।

रवि लामिछानेले असार ७ गते निर्वाचन आयोगमा दल दर्ताका लागि निवेदन दिएका थिए। निवेदनलाई आयोगले स्वीकार गर्दै राष्ट्रिय स्वतन्त्र पार्टी दर्ता भएको सो पार्टीका संयोजक लामिछानेले जानकारी दिए।

त्यस्तै चूनाव चिन्ह गोलाकारभित्र घण्टी प्राप्त भएको उनले बताए। दल दर्ता भएसँगै आफ्ना एजेण्डा जनतामाझ लिएर जाने उनले बताए।