साढे दुई महिनामा ८ सय बढी विपद्जन्य घटना, ९५ जनाको ज्यान गयो

काठमाडौं । यो वर्षको अघिल्लो साढे दुई महिनामा ८ सय ९१ वटा विपद्जन्य घटनामा परेर ९५ जनाको निधन भएको तथ्यांक सार्वजनिक भएको छ ।

गत वैशाख १ गतेदेखि असार १४ गतेसम्म विभिन्न घटनामा परि ९५ जनाले ज्यान गुमाएका हुन् ।

राष्ट्रिय विपद् जोखिम न्युनीकरण तथा व्यवस्थापन प्राधिकरणका अनुसार यी घटनाहरुमा परेर २ सय ४ जना घाईते भएका छन् भने १ जना वेपत्ता भएका छन् । त्यस्तै, यी घटनाका कारण १ हजार १ सय ५८ घर–परिवार प्रभावित भएका छन् ।

प्राधिकारणका अनुसार सबैभन्दा धेरै चट्याङ लागेर ३७ जनाको मृत्यु भएको छ भने आगलागीबाट १८, जनावरको आतङ्कबाट १२ र पहिरोमा परि १० जनाले ज्यान गुमाएका छन् ।

बाढी तथा भारी वर्षाका कारण ४, सर्पदंश, हावाहुरी तथा जङ्गलमा लागेको आगलागीका कारण १३ जनाले ज्यान गुमाएका छन् ।

यी घटनामा ५८ करोड ६७ लाख ८८ हजार ५ सय ६० रुपैयाँ बराबरको अनुमानित क्षति भएको प्राधिकरणले जनाएको छ ।

129

प्रतिक्रिया

खबर सबै

वालेनलाई सुशीलाको सन्देशः राजनीतिक स्थायित्व संसदीय गणितले होइन, शासकको चरित्र र कार्यशैलीले निर्धारण गर्छ

लुम्बिनी प्रदेश सबै

जसपाको कारबाहीले लुम्बिनी सरकार संकटमा, मुख्यमन्त्रीलाई फेरि विश्वासको मतको दबाब

साझा अपडेट

MENU