कपिलवस्तुका कृष्ण कुँवर प्रदेश सभामा उठ्ने, माओवादीले देला त टिकट ?

कपिलवस्तु । पालिका निर्वाचनका गतिविधि पूर्ण रुपमा सकिएसँगै प्रदेश र संघको निर्वाचनको चर्चा सुरु भएको छ ।

निर्वाचन आयोगले कात्तिक ३० मा प्रदेश र संघीय संसदका लागि निर्वाचन गर्ने गरी तयारी गरिरहेका बेला कपिलवस्तु सहित देशभरका निर्वाचन क्षेत्रहरुमा उम्मेद्धारी दिनेहरुले अहिले देखि नै आफ्नो पक्षमा माहोल सिर्जन गर्न लागिरहेका छन् ।

कपिलवस्तुमा नेकपा माओवादी केन्द्रका नेता एवम् समाजसेवी कृष्ण कुँवरले लुम्बिनी प्रदेशसभा सदस्य पदमा आफ्नो उम्मेद्धारी दिने बताउनुभएको छ । प्रदेश सभा सदस्यमा उठ्ने उहाँको चर्चा सँगै कपिलवस्तुमा पनि आगामी निर्वाचनको माहोल सुरु भएको छ ।

कपिलवस्तुको वाणगंगा नगरपालिका वडा नम्बर ३ मा स्थायी घर भएका कुँवर क्षेत्र नं १ (क) बाट प्रदेश सभा सदस्यको लागि प्रत्यक्ष तर्फ उठ्ने निधो गर्नुभएको हो । नेकपा माओवादी केन्द्रले कुँवरलाई टिकट दिने नदिने भने अझै टुङ्गो लागेको छैन । यद्यपी आफूले आन्तरिक रुपमा चुनावी तयारी सुरु गरिसकेको कुँवरले बताउनुभएको छ ।

माओवादी केन्द्रको राजनितिमा राम्रो प्रभाव बनाउनुभएका कुँवर यस अघीका निर्वाचनमा समेत आफ्नो दलका उम्मेद्धारलाई जिताउन लागि पर्नुभएको थियो ।

205

प्रतिक्रिया

खबर सबै

हथौसा लिटिल पत्रु खाना निषेध अभियान तथा सचेतनामूलक कार्यक्रम

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट

MENU