ओलीलाई प्रचण्डको प्रश्न– पार्टीभित्रको अन्तर्घात कि सरकारका कारणले पराजय ब्यहोरेको ?

नेकपा माओवादी (केन्द्र) का अध्यक्ष पुष्पकमल दाहाल ‘प्रचण्ड’ले नेकपा एमालेका अध्यक्ष केपी शर्मा ओलीले बोलेका दुई थरी कुरा आफुले बुझ्न नसकेको बताएका छन् । उनले ओलीले निर्वाचनका विषयमा दिएको दुई थरी अभिव्यक्ति आफुले नबुझेको बताएका हुन् ।

आज प्रतिनिधिसभाको बैठकमा बोल्दै प्रचण्डले भने, ‘ओलीले एक ठाउँमा आन्तरिक अन्तर्घातका कारण निर्वाचनमा पराजय ब्यहोरेको भनेका छन् । यस्तै, प्रतिनिधिसभामा बोल्दै सरकारका कारणले निर्वाचनमा पराजय ब्यहोरेको बताएका छन् ।’ यी दुईमध्ये कुन कारणले निर्वाचनमा पराजय ब्यहोरेको भन्दै प्रचण्डले ओलीमाथि प्रश्न गरे ।

‘अन्तर्घात मूख्य हो वा निर्वाचनको समयमा सरकारले गरेका गतिविधि र लिएको नीति मूख्य हो,’ प्रचण्डले प्रश्न गरे । यद्यपि, निर्वाचनमा भएका कमी कमजोरी र राजनीतिक दलहरूले पनि कमी कमजोरीलाई आगामी दिनमा सच्याउन पर्ने प्रचण्डको भनाइ छ । तर, मतगणना गर्दै गर्दा आफ्नो पक्षमा मत नदेखिएपछि सरकारमाथि धारे हात लगाउने विषय उचित नभएको उनको भनाई छ ।

उनले विगतमा देशको विकास गर्न र तत्कालीन परिस्थितिमा वाम गठबन्धन गर्ने क्रमलाई अघि बढाइएको बताए । ‘हिजो बाम गठबन्धन गरेका थियौं । एउटै कम्युनिष्ट पार्टी बनाउने पहलकदमी पनि लियौं,’ प्रचण्डले भने, ‘त्यो घटनाक्रमले हाम्रो संवैधानिक व्यवस्थामा असम्भव जस्तै ठानिएको दुई तिहाई बहुमतको स्थितिमा पार्टीलाई पुर्याएका थियौं । यसको समीक्षा हुँदै जानेछ ।’

105

प्रतिक्रिया

खबर सबै

हथौसा लिटिल पत्रु खाना निषेध अभियान तथा सचेतनामूलक कार्यक्रम

लुम्बिनी प्रदेश सबै

लुम्बिनी प्रदेशमा भदाै २९ गते सार्वजनिक बिदा

साझा अपडेट

MENU