प्युठानको सरुमारानी गाउँपालिकामा अध्यक्ष र उपाध्यक्ष दुवैमा एमाले विजयी

प्युठान । प्युठानको सरुमारानी गाउँपालिकामा एमालेका उमेदवार विजयी भएका छन् । पालिकाको अध्यक्ष र उपाध्यक्ष दुवैमा एमालेले जित हासिल गरेको हो ।

पालिका अध्यक्षमा एमालेका झगबहादुर विश्वकर्माले ४ हजार २८० मतसहित निर्वाचित भएकी हुन् । उनको निकटतम प्रतिस्पर्धी नेपाली कांग्रेसका मुकुन्दराज शर्माले ४ हजार १९४ मत प्राप्त गरेको जिल्ला निर्वाचन कार्यालयले जनाएको छ ।

यस्तै, उपाध्यक्षमा एमालेकी वसन्ता खड्का ४ हजार ३९४ मतसहित निर्वाचित भएकी हुन् । उनको निकटतम प्रतिस्पर्धी नेकपा माओवादी केन्द्रका गुप्तबहादुर रानाले ४ हजार २७ मत प्राप्त गरे ।